ԱՄՆ-ի նախագահ Բարաք Օբաման ուղեւորվել է Մեքսիկա «մեծ քսանի» գագաթաժողովին մասնակցելու համար, որը տեղի կունենա Լոս Քաբոս քաղաքում հունիսի 18-19-ին:
G20-ի սկսվելուց առաջ տեղի կունենա Բարաք Օբամայի հանդիպումը Ռուսաստանի նախագահ Վլադիմիր Պուտինի հետ: Բանակցությունները կտեւեն կես ժամ, որի ընթացքում կքննարկվեն երկկողմ հարաբերությունները եւ միջազգային խնդիրները: ԱՄՆ-ն եւ Ռուսաստանը հաջող համագործակցում են Աֆղանստանի, Իրանի եւ միջուկային զինաթափման հարցերում, գրում է «Ռոսիսկայա գազետան»:
Ռուսական կողմը հայտարարել էր, որ Վլադիմիր Պուտինը հանդիպմանը կքննարկի նաեւ ՀՀՊ-ի թեման եւ ԱՄՆ-ի կոնգրեսի կողմից ճնշվող այսպես կոչված «Մագնիտսկու օրենքը»:
Ինչպես ավելի վաղ հայտնել էր Մեքսիկայի նախագահ Ֆելիպե Կալդերոնը, G20 գագաթաժողովը նվիրված կլինի ոչ միայն եվրոպական տնտեսական ճգնաժամի թեմային, այլեւ համաշխարհային տնտեսության զարգացման որոշակի միջոցների քննարկմանը: Գագաթաժողովում ուշադրության կենտրոնում կլինեն ԱՄՀ-ի բարեփոխությունը եւ իրավիճակը եվրագոտում:
Գագաթաժողովի սկսվելուց առաջ տեղի կունենա ԲՐԻՔՍ-ի պետությունների ղեկավարների հանդիպում, հայտնում է «ՎԶԳԼՅԱԴ»-ը:
G20-ի ավարտին, ինչպես սպասվում է, նրա մասնակիցները կընդունեն ամփոփիչ հռչակագիր եւ կանցկացնեն իրենց մամլո ասուլիսները: