Մյանմարի արեւմտյան Ռաքհայն նահանգում բուդդիստների եւ մահմեդականների բախումները շարունակվում են: Վերջին տվյալներով զոհվել է 80 մարդ, ավելի վաղ 50 զոհերի մասին էր հաղորդվել:
Բախումներն արդեն երկրորդ շաբաթն է շարունակվում են, հունիսի 10-ին արտակարգ դրություն էր հայտարարվել, գրում է «ՌԻԱ Նովոստին»:
NEWS.am-ը հաղորդել էր, որ անկարգություններն սկսել էին բուդդայական աղջկա սպանությունից եւ բռնաբարությունից հետո:
Այս շաբաթվա սկզբից անկարգությունները փոխարինվել են սրերի, դանակների, հաճախ նաեւ` հրազենի կիրառմամբ բախումներով:
