News
Լրահոս
News
Երկուշաբթի
Մայիս 20
Տեսնել լրահոսը


Արևմուտքը Հայաստանի առջև Ռուսաստանի հետ հարաբերությունների խզումը կամ երկրում ռուսական ռազմական ներկայության վերացումը որպես հրատապ խնդիր չի դնում, սակայն ռուսական բազան երկարաժամկետ հեռանկարում կարող է խոչընդոտել Արևմուտքի և Հայաստանի միջև գործընթացներին։ Այս մասին «Ուժի գործոն» հաղորդաշարի եթերում NEWS.am-ի թղթակցի հետ զրույցում ասաց ամերիկյան Stratfor (RANE) հետախուզական և վերլուծական կենտրոնի վերլուծաբան Մեթյու Օրրը։

«Միացյալ Նահանգները Հայաստանին չի տրամադրի այն պայմանները, որոնք այժմ տրամադրում է Վրաստանին, եթե Հայաստանի տարածքում ռուսական ռազմաբազա լինի։ Առայժմ մենք խոսում ենք փոքր նախագծերի մասին, իսկ արևմտյան առաջնորդները կենտրոնացած են հիմք ստեղծելու, տեսնելու՝ ինչպես կզարգանան իրադարձությունները: Եթե ​​2-3 տարի հետո իրավիճակը փոխվի, այդ թվում՝ Ադրբեջանի հետ խաղաղ բանակցություններում, ապա այդ հարցն ավելի արդիական կդառնա։

Միևնույն ժամանակ, ես չեմ կարծում, որ ԱՄՆ-ն որևէ պատճառ է տեսնում, թե ինչու Հայաստանի հետ իր պարտավորությունները և պայմանավորվածությունները պետք է զիջեն Վրաստանի հետ պայմանավորվածություններին։

ԱՄՆ-ում հարց են տալիս՝ ինչո՞ւ մոտավորապես նույն կերպ չսկսել աջակցել Հայաստանին։

Ինչ վերաբերում է իրադարձությունների այս զարգացմանը Թուրքիայի և Ադրբեջանի արձագանքին, ապա մենք ստիպված կլինենք նրանց հանգստացնել և ասել, որ դա նրանց ոչ մի կերպ չի սպառնում, քանի որ Թուրքիան ՆԱՏՕ-ի անդամ է, իսկ ԱՄՆ-ն երկար տարիներ արդյունավետ հարաբերություններ է ունեցել Ադրբեջանի հետ»,- նշեց փորձագետը։

Նա վստահեցրեց, որ Հարավային Կովկասի ամենամեծ խաղացողը դառնալու ցանկությունն ու հնարավորությունը Արեւմուտքի համար ամենակարեւոր խնդիրը չէ։

«Այս առումով Արևմուտքի համար աշխարհում ավելի առաջնահերթ տարածաշրջաններ կան: Բայց Արեւմուտքը չէր ցանկանում, որ տարածաշրջանի երկրները կորցնեն իրենց ինքնիշխանությունը։ Արևմուտքը շահագրգռված է Ղազախստանով, Կասպից ծովով և Հարավային Կովկասով, այսպես կոչված, Միջին միջանցքով, որը շրջանցում է Ռուսաստանը։

Այս առումով ցանկություն կա ապահովելու, որ Ռուսաստանը կրի Ուկրաինա ներխուժելու իր որոշման ռազմավարական ծախսերը։ Այս առումով Հարավային Կովկասը կարևոր տարածաշրջան է»,- հավելեց Մեթյու Օրրը:

Նա կարծում է, որ Հայաստանի ղեկավարության ներկայիս պլանը («Խաղաղության խաչմերուկ»- խմբ.) շատ կարևոր է և պետք է առաջ մղվի Արևմուտքում։

«Հայաստանի ղեկավարությունը պետք է մեծ ուշադրություն դարձնի դրան։ Մրցակցությունը մեծ է, բայց Հայաստանը լավ շանսեր ունի»,- եզրափակեց փորձագետը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանում հակառուսական տրամադրություններն առաջացել են Ռուսաստանի գործողությունների արդյունքում. պատգամավոր
Նա վստահեցրեց, որ եթե անգամ Հայաստանում հակառուսական տրամադրություններ կան, դրանք չեն գեներացվում երկրի իշխող ուժի կամ իշխանության կողմից...
Ես անտրամաբանական համարեցի պատասխանել իմ ռուս գործընկերոջ հարցին. Ազգային ժողովի հանձնաժողովի նախագահ
Խանդանյանը պարզաբանեց, որ իր պատասխան նամակում նշել է այն սկզբունքները, որոնցով առաջնորդվում են իշխանությունները Հայաստանի շահերի, տարածքային ամբողջականության և ինքնիշխանության պաշտպանության առումով...
Զախարովան մեկնաբանել է ՌԴ զինվորականների դուրսբերումը Հայաստանի մարզերից
Զախարովան մեկնաբանել է ռուս զինվորականների դուրսբերումը Հայաստանից...
Զախարովա. ՌԴ-ն միշտ հավատարիմ է եղել եւ առաջնորդվել է Հայաստանի հետ հարաբերությունների դաշնակցային մակարդակով
Ռուսաստանը միշտ հավատարիմ է եղել Հայաստանի հետ դաշնակցային հարաբերություններին...
Ռուս սահմանապահները պատրաստվում են դուրս գալ Երասխից. գյուղապետ
Սահմանային կետում այս պահին շարժ կա, նախապատրաստական աշխատանքներ են ընթանում...
«Զվարթնոց» օդանավակայանում ՌԴ ԱԴԾ սահմանային անցակետն առաջիկայում կփակվի. Բորտնիկով
Միաժամանակ, նա ընդգծել է, որ ռուս սահմանապահները մնում են երկրում և հայկական կողմի խնդրանքով կհսկեն Թուրքիայի և Իրանի հետ սահմանը...
Ամենաշատ
Ֆոտոռեպորտաժներ