Ահաբեկիչ Անդրես Բրեյվիկի փաստաբանները դիմել են Օսլոյի դատարան` խնդրելով մեղսունակ ճանաչել իրենց պաշտպանյալին կամ հնարավորինս մեղմ դատավճիռ կայացնել:
Պաշտպան Գեյր Լիպեստադը եւս կոչ է արել Բրեյվիկին մեղսունակ ճանաչել եւ հոգեբուժարան հարկադիր բուժման չուղարկել:
Հիշեցնենք, մեղադրող կողմը հունիսի 21-ին միջնորդել է Բրեյվիկին անմեղսունակ ճանաչել եւ հոգեբուժարան ուղարկել:
Անդրես Բրեյվիկն ինքը, ով խոստովանել է 77 մարդու սպանությունը, պնդում է, որ հոգեբանորեն առողջ է եւ ահաբեկչությունները կազմակերպել է Եվրոպան բազմամշակութայնությունից եւ իսլամականացվելուց փրկելու համար, գրում է «Ազատություն» ռադիոն:
Այսօր Նորվեգիայի ամենաաղմկոտ դատավարության վերջին օրն է: Դատավճիռը, ինչպես սպասվում է, կհրապարակվի օգոստոսին: