Շվեդիայում ոստիկանությունը ձերբակալել է 52-ամյա գիտնականին, ով վնասվածք է պատճառել կնոջը եւ կանիբալիզմի ակտ կատարել, երբ կինը ամուսնալուծվելու ցանկություն է հայտնել:
Հետաքննության տվյալներով` իմանելով կնոջ մտադրության մասին, պրոֆեսորը խիստ զայրացել է: Նա սպասել է մինչեւ կինը քնել է, հետո մոտեցել է նրան վիրաբուժական դանակով եւ կտրել ստորին շրթունքը: Հետո նա կերել է մարդկային մարմնի մասը, ասելով. «Թող ինձ նստեցնեն, բայց փոխարենը դու երբեք չես կարող համբուրվել»:
Այլանդակելով կնոջը` նա նրան առաջին օգնություն է ցուցաբերել եւ սպասել ոստիկաններին: Հարցաքննության ժամանակ նա ասել է, թե սպանելու մտադրություն չի ունեցել, պարզապես ցանկացել է դաս տալ կնոջը:
Ստոկհոլմի Կարոլինայի ինստիտուտի դասախոսին 10 տարվա ազատազրկում է սպասվում, հաղորդում է NEWSru.com-ը:
