Բելառուսը հանդես է գալիս հանուն Կուբայի «ԱՄՆ-ի կողմից ամոթալի արգելափակման» անմիջական դադարեցման: Այդ մասին հայտարարել է Բելառուսի նախագահ Ալեքսանդր Լուկաշենկոն Հավանայում` Կուբայի պետխորհրդի եւ նախարարների խորհրդի նախագահ Ռաուլ Կաստրոյի հետ հանդիպման ժամանակ:
Լուկաշենկոն կղզի էր ժամանել հունիսի 24-ին` լատինաամերիկյան շրջագայության շրջանակներում: Հունիսի 25-ին տեղի են ունեցել բանակցություններ կուբական առաջնորդի հետ: Այցի ընթացքում կողմերը ստորագրել են «համաձայնագիր երկու երկրների առեւտրաարդյունաբերական, գյուղատնտեսական եւ գիտատեխնիկական նախարարությունների համագործակցության վերաբերյալ»:
Կուբայից Բելառուսի ղեկավարը մեկնել է Վենեսուելա, որտեղ տեղի կունենա նրա հանդիպումը վենեսուելյան առաջնորդ Ուգո Չավեսի հետ: Լուկաշենկոն կայցելի նաեւ Էկվադոր: