Ընթանում են հունիսի 25-ին մեկնարկած եւ հուլիսի 8-ին ավարտվող կենտրոնացված բանավոր եւ ներբուհական քննությունները: Ընդհանուր առմամբ, մեծամասամբ արձանագրվում են միջին միավորներ, եզակի դեպքերում են արձանագրվում բարձր միավորներ, օրինակ` 17-20:
Բանավոր քննություններից ամենացածր միավորները արձանագրվում են «Հայոց լեզու եւ հայ գրականություն», ամենաբարձրը` բանավոր հաղորդակցության մշակույթ առարկաններից: Առանձնապես բարձր միավորներ չեն արձանագրվում նաեւ անգլերենից, ռուսերենից եւ այլ օտար լեզուներից:
Գնահատման եւ թեստավորման կենտրոնի մամուլի քարտուղար Գայանե Մանուկյանը NEWS.am-ի թղթակից հետ զրույցում նշեց, որ հունիսի 27-ին անգլերենի միջին միավորը եղել է 10,83, ամենաբարձր միավորը մեկ 17-ն է եղել: Իսկ գերմաներենից միջին միավորը եղել է 13,9, 2 հոգի ստացել են 18 միավոր: «Հայոց լեզու եւ հայ գրականության» միջին միավորը կազմել է 8, 63, ընդամենը մեկ հոգի ստացել է 19: Այդ օրը ժամը 13.00-ի դրությամբ անգլերենի միջին միավորը կազմել է 13,80, երեք հոգի 18 է ստացել, գերմաներենի միջին միավորը եղել է 13,50, մեկ դիմորդ 18 է ստացել: Իսկ «Հայոց լեզու եւ հայ գրականաթյան» միջին միավորը կազմել է 7,5, միայն մեկ դիմորդ 19 է ստացել:
Հունիսի 28-ին անգլերենի միջին միավորը կազմել է 12,53, մեկ հոգի ստացել է առավելագույն 20 միավոր: «Հայոց լեզու եւ հայ գրականությունից» միջին միավորը կազմել է 8,6, մեկ դիմորդ ստացել է 19 միավոր: Ռուսաց լեզվի բանավոր քննության միջին միավորը կազմել է 8,75, արձանագրվել է մեկ 17 միավոր: Իսկ կեսօրից հետո անգլերենի միջինը կազմել է 10,23, ամենաբարձր միավորը մեկ հոգի 19 է ստացել: Գերմաներենից միջին միավորը կազմել է 10,23, 3 դիմորդ ստացել է 18 միավոր, ռուսերենի միջին միավորը կազմել է 9,45, 3 դիմորդ ստացել է 18 միավոր:
Իսկ հունիսի 29-ին անգլերենի միջին միավորը կազմել է 12,23, 2 հոգի ստացել է 18 միավոր: Բանավոր հաղորդակցության մշակույթ քննությունից միջին միավորը կազմել է 12,49, 4 հոգի ստացել է 20 միավոր, գերմաներենից միջին միավորը կազմել է 13,20, ամենաբարձր միավորը 18 է: Իսկ ստեղծագործական աշխատանքից միջին միավորը կազմել է 12,4, իսկ 3 դիմորդ 18 է ստացել: Կեսօրից եհտո անգլերենի միջին միավորը կազմել է 12, 3 հոգի 19 միավոր ստացել: Բանավոր հաղորդակցության մշակույթ քննությունից միջին միավորը կազմել է 13,36, 5 հոգի ստացել է 20 միավոր: Գերմաներենից միջին միավորը կազմել է 13,80, մեկ հոգի ստացել է 19, իսկ ստեղծագործական աշխատանքից միջին միավորը կազմել է 11,42, մեկ հոգի ստացել է 18: Հ
Հունիսի 30-ի առաջին կեսին անգլերենի միջին միավորը կազմել է 10,38, 2 դիմորդ ստացել է 17, ֆրանսերենից միջին միավորը կազմել է 15,25, մեկ հոգի 20 է ստացել: Օրվա երկրորդ կեսին անգլերենի միջին միավորը կազմել է 13,50,, 3 հոգի 19 է ստացել; ֆրանսերենի միջին միավորը կազմել է 14,20, երկու հոգի 19 միավոր է կազմել: