«Սիսիանի ԲՈՒԱՏ» եւ «Կուարլինի» շինարարարական ընկերությունները հաղթող են ճանաչվել Համաշխարհային բանկի կողմից ֆինանսավորվող Կենսական նշանակության ճանապարհների բարելավման երկրորդ լրացուցիչ ֆինանսավորման ծրագրի շրջանակներում ճանապարհների վերանորոգման շինարարական մրցույթում: Մրցույթի արդյունքները կհաստատվեն ՀՀ կառավարության հուլիսի 4-ի նիստում:
Պայմանագրի ընդհանուր արժեքը 1.25 մլրդ դրամ է: Ընկերությունները պետք է բարելավեն Արմավիր-Նորավան-Լուկաշին-Խանջյան եւ Ամասիա-Նալբանդյան-Ջանֆիդա-Փշատավան ճանապարհները` 21 կմ երկարությամբ:
Մրցույթին հայտեր են ներկայացրել նաեւ «Կապավոր» եւ «Ավտոճանապարհային Մեքենաներ» ընկերությունները, սակայն նրանց հայտերը մերժվել են ավելի բարձր գին պարունակելու հիմքով: