ԱՄՆ արեւելյան ափին մի քանի նահանգներում, հունիսի 28-ին տեղի ունեցած ուժեղ փոթորիկն արդեն խլել է 24 մարդու կյանք:
Փոթորիկը տապալել է ծառեր, 4 մլն մարդ մնացել է առանց էլեկտրականության: Ներկայումս դեռեւս 1,26 մլն մարդ զրկված է էլեկտրականությունից:
Իրավիճակը բարդանում է նաեւ եղանակային պայմանների պատճառով: Ջերմաստիճանն այդ նահանգներում հասնում է 35 աստիճանի, իսկ շենքերում էլեկտրականության բացակայության պատճառով չեն աշխատում օդորակիչները: Արդյունքում շոգից արդեն 4 մարդ է մահացել:
