Թուրքիայի Սամսուն քաղաքում ուժեղ քամու ուղեկցությամբ տեղացած հորդառատ անձրեւները մեծ վնաս են հասցրել քաղաքին:
Թուրքական Milliyet-ի փոխանցմամբ՝ հունիսի 3-ի կեսգիշերին սկսված եւ մոտ 4,5 տեղացած հորդառատ անձրեւների եւ ուժեղ քամու հետեւանքով Սամսուն քաղաքում փլվել են կամուրջներ, անձրեւաջրերից բարձրացել են գետերը եւ լցվել են շենքերի առաջին հարկերը:
Նախնական տեղեկություններով՝ Սամսունում հորդառատ անձրեւների հետեւանքով մահացել է 8 հոգի, որոնցից 4-ը երեխաներ են եղել:
Որոշ ժամանակով փակվել են Սամսուն-Անկարա եւ Սամսուն-Օրդու ավտոճանապարհները: