Հաջորդ ուսումնական տարվանից «Հայոց եկեղեցու պատմություն» առարկան կուսուցանվի ոչ միայն 5-6-րդ դասարաններում, այլեւ մինչեւ 11-րդ դասարանը ներառյալ (ավագ դպրոցում` միայն հումանիտար հոսքերում): Այդ կապակցությամբ ՀՀ կառավարությունն այսօր` հուլիսի 4-ին փոփոխություններ կատարեց Հանրակրթության պետական չափորոշիչում:
Ըստ ՀՀ կրթության եւ գիտության նախարարության ներկայացրած բացատրության` այս փոփոխության նպատակն է հիմնական դպրոցի սովորողներին տալ լիարժեք գիտելիքներ հայ առաքելական եկեղեցու պատմության, ինչպես նաեւ սովորողներին դարձնել քրիստոնեական բարոյականության կրող լիարժեք անձ:
