Թաթարստանում քրեական գործ է հարուցվել «ահաբեկիչ թոշակառու» Գալիյաբանու Ֆախրուլլինայի դեմ, ով նախօրեին Կազանում գրավել էր նոտարական գրասենյակը ռումբի մոդելի օգնությամբ:
Քրեական գործը հարուցվել է «Զենքի կիրառմամբ պատանդ վերցնելը» հոդվածի հատկանիշներով: Այս հանցագործությունը դասվում է հատկապես ծանր հանցագործությունների տեսակին, նրա համար նախատեսնված է մինչեւ 15 տարի ազատազրկում: Որոշվում է Ֆախրուլինայի ձերբակալության հարցը:
Ինչպես ավելի վաղ հայտնել էր NEWS.am-ը, Կազանի նոտարական գրասենյակ էր ներխուժել ահաբեկչուհին, ով սպառնացել է պայթուցիկ սարքով եւ երկու հոգու պատանդ է վերցրել: Ըստ ականատեսների, «ահաբեկչուհին» հագնված է եղել երկար սեւ զգեստ, նրա մոտ է եղել նաեւ «շահիդի գոտին»: Ոստիկանության աշխատակիցները շտապ կարգով շրջապատել են տարածքը եւ տարհանել մոտակա տների բնակիչներին: Ավելի ուշ կինը, ով դժգոհ թոշակառու է եղել, վնասազերծվել է:
Կնոջ մոտ եղել է գազային ատրճանակ, իսկ գոտուն ամրացված ռումբը եղել է մոդել: Ինչպես պարզ է դարձել, նա 68 տարեկան է: Կինը դժգոհ է եղել նրանից, թե ինչպես է տվյալ գրասենյակի նոտարը կատարել իր ժառանգության հետ կապված գործով իրավաբանական օգնությունը: Այն ատյանների պատասխանները, ուր դիմել է թոշակառուն, նույնպես նրան չեն բավարարել, եւ նա որոշել է այս կերպ ուշադրություն հրավիրել իր խնդրի վրա: