Եվրոպայում տնտեսական ճգնաժամը պարտադիր կազդի Ռուսաստանի եւ ԱՊՀ երկրների վրա: Երեւան-Մոսկվա-Կիեւ-Քիշնեւ-Աստանա հեռուստակամուրջի ընթացքում հայտարարել է Ռուսաստանի Գիտությունների ակադեմիայի տնտեսագիտության ինստիտուտի փոխտնօրեն Միխայիլ Գոլովնինը:
«Ռուսաստանի տնտեսությունը, ինչպես եւ Համագործակցության բոլոր երկրների տնտեսությունները բավական բաց են, ուստի ճգնաժամի հետեւանքներից խուսափել չի հաջողվի: Ռուսաստանը ոչ միայն կտուժի ճգնաժամի երկրորդ ալիքից, այլեւ տարանցիկ ուղի կդառնա ճգնաժամը այլ երկրներ, մասնավորապես ԱՊՀ տարածք փոխանցելու համար»,- ասել նա` հստակեցնելով, որ տնտեսական իրավիճակը Ռուսաստանում բացասաբար կազդի ներգաղթյալների փոխանցումների, արտաքին առեւտրի եւ ռուսական ներդրումների ծավալների վրա:
Ընդգծելով, որ Եվրոպայում ճգնաժամի բացասական ազդեցությունից խուսափել չի հաջողվի, փորձագետը, այդուհանդերձ, չի բացառել հետեւանքների մեղմացման հնարավորությունը` նկատելով, որ ԱՊՀ երկրների տնտեսությունների աքիլեսյան գարշապարը բարդ կառուցվածքն է:
