Դերասանուհի Կատրինա Կայֆը զարդարում է տղամարդկանց FHM ամսագրի հնդկական տարբերակի հուլիսյան համարը, որում հրապարակվել է մոլորակի ամենասեքսուալ կանանց 100-յակը:
Ինչպես նշում է NEWSru Israel-ը, հնդիկները բացառիկ հավատարմություն են ցուցաբերում. Կատրինան Հնդկաստանի վարկածով արդեն չորրորդ անգամ է ճանաչվում ամենասեքսուալ կին:
Կատրինա Կայֆը ծնվել է 1984 թվականի հուլիսի 16-ին Հոնգկոնգում, ուր ապրում էին նրա ծնողները` քաշմիրյան մահմեդական Մոհամեդ Կայֆը Հարվարդից եւ բրիտանական հրեուհի Սյուզանա Թուրկոթը: Նրանք դստեր ծնվելուց հետո բաժանվել են, որից հետո Սյուզանան երեխաների հետ տեղափոխվել է Հավայան կղզիներ, հետո ԱՄՆ, իսկ հետո էլ հայրենիք է վերադարձել` Անգլիա:
14-ամյա հասակում Կատրինան սկսել է մոդել աշխատել: 2003 թվականին ուղեւորվել է Մումբայ` մտադրվելով աշխատանք գտնել Բոլիվուդում: Սկզբնապես նա լուրջ դերեր չի կարողացել ստանալ, քանի որ հինդիին չէր տիրապետում:
Իսկական հաջողություն նա ունեցել է 2007 թվականին` Namastey London կինոնկարում գլխավոր դերից հետո: Այդ նույն տարի թողարկվել են նրա մասնակցությամբ երեք ֆիլմեր: Վերջին տարիներին Բոլիվուդի գլամուրային թագուհին ապահովում է իր մասնակցությամբ ցանկացած ֆիլմի հաջողությունը:
