Երեւանում այսօր` հուլիսի 6-ին, ժամը 03.51-ին տեղեկություն է ստացվել, որ վթար է տեղի ունեցել Թբիլիսյան խճուղու թիվ 20 հասցեում գտնվող «Երեւանի շամպայն գինիների գործարան» ԲԲԸ-ի մոտակայքում, եղել է գազի արտահոսք:
Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր է մեկնել մեկ մարտական հաշվարկ: Դեռեւս չբացահայտված հանգամանքներում BMW մակնիշի 23 ՏՕ 430 պետհամարանիշով ավտոմեքենան դուրս է եկել ճանապարհի երթեւեկելի մասից եւ բախվել լուսավորման սյանը: Մինչ հրշեջ-փրկարարների դեպքի վայր հասնելը, վարորդը`1985 թ. ծնված Գ. Աբգարյանը (Երեւանի Նազարբեկյան փողոցի թիվ 16 շենքի 41-րդ բնակարանի բնակիչ), տեղափոխվել է «Սուրբ Գրիգոր Լուսավորիչ» բժշկական կենտրոն: Ըստ բժիշկների՝ տուժածի առողջական վիճակը կայուն ծանր է:
