Ռուսաստանում առաջին անգամ տուգանել են մարմնավաճառի հաճախորդին: Դա տեղի է ունեցել Բելգոգրադում, որտեղ տեղական Դուման մեկ շաբաթ առաջ փոփոխություններ էր կատարել «Վարչական իրավախախտումների մասին» օրենքում: Այնտեղ նոր հոդված է հայտնվել սեռական ծառայությունների մատուցման վերաբերյալ, որտեղ մարմնավաճառի ծառայություններից օգտվելը հավասար է վարչական խախտման:
Տուգանքի չափը կազմել է 5 հազար ռուբլի: Երիտասարդին բռնել են, երբ նա պայմանավորվելիս է եղել աղջկա հետ, գրում է «Տրուդ» թերթը:
Ոստիկանության աշխատակիցները հետեւել են հաճախորդի մեքենային եւ ամեն ինչ տեսագրել: Ձերբակալության ժամանակ հաճախորդը փորձել է փախչել եւ խփել է ոստիկանին:
Խախտողի նկատմամբ արձանագրություն է կազմվել` 5 հազար ռուբլով տուգանելու վերաբերյալ: Տղամարդն այն կվճարի վարչական հանձնաժողովի կողմից գործը հետաքննելուց հետո:
Մարմնավաճառությամբ զբաղվելու տուգանքը 2 հազար ռուբլի է: