ԱՄՆ լիովին աջակցում է Եգիպտոսում ամբողջությամբ քաղաքացիական կառավարման անցումը: Այս մասին Եգիպտոսի նախագահ Մոհամմեդ Մուրսիի հետ հանդիպումից հետո հայտարարել է ԱՄՆ Պետքարտուղար Հիլարի Քլինթոնը:
Ինչպես հաղորդում է BBC Russian-ը, Հիլարի Քլինթոնն աջակցություն է հայտնել Մոհամմեդ Մուրսիին և հայտարարել, որ եգիպտացիները պետք ունենան այն կառավարությունը, հանուն որի քվեարկել են: «Մենք ցանականում ենք լավ գործընկերներ լինել: Մենք ցանականում ենք աջակցել ժողովրդավարությանը, որին հասել է եգիպտական ժողովուրդը», - ասել է նա, ընդգծելով, որ Կահիրե է եկել աջակցություն հայտնելու համար:Նշենք, որ Մոհամմեդ Մուրսին «Մահմեդական եղբայրներ» իսլամական շարժման ներկայացուցիչ է:
Ինչպես ավելի վաղ հայտնել էր NEWS.am-ը, Քլինթոնը ժամանել է Եգիպտոս հուլիսի 14-ին: Սպասվում էր, որ նա բանակցություններ կանցկացնի Եգիպտոսի նոր նախագահ Մոհամմեդ Մուրսիի հետ`նրանից հավաստիացումներ ստանալու այն մասին, որ Եգիպտոսը կպահպանի Իսրայելի հետ 1979 թ. ստորագրված խաղաղ համաձայնագիրը:
