Իսրայելի մայրաքաղաք Թել Ավիվում հուլիսի 14-ի երեկոյան «վրանային բողոքների» մեկնարկին նվիրված հանրահավաքի ժամանակ մասնակիցներից մեկը ինքնահրկիզվել է:Ինչպես հաղորդում է NEWSru.co.il-ը, ինքնահրկիզված 58-ամյա ակտիվիստ Մոշե Սիլմանը ստացել է մարմնի մակերեսի մոտ 80% այրվածք և հոսպիտալացվել է:
Բժիշկները նրա վիճակը գնահատում են ծայրահեղ ծանր, նա մահվան եզրին է:Նման արարքի պատճառ են հանդիսացել սոցիալական ծանր պայմանները: Ըստ ականատեսների` տղամարդը կարդացել է իր կողմից գրված նամակը, որից հետո դյուրավառ հեղուկ է լցրել վրան ու այրել: Նամակում, որի մի քանի օրինակներ մնացել էին իրադարձության վայրում, նա մեղադրում է պետությանը, որ նա թալանել է իրեն` ոչինչ չթողնելով:
Նշվում է, որ տղամարդը կաթված է տարել և ճանաչվել անաշխատունակ, եւ գումար չի ունեցել ոչ բնակարան վարձելու և ոչ էլ նույնիսկ դեղամիջոցների համար: