Վերկա Սերդյուչկան Նիկոլայ Բասկովի գեղեցկությունը համեմատել է խմելուց հետո իր արտաքին տեսքի հետ: Աստղերը «հաճոյախոսություններ» են փոխանակել Կիեւում կորպորատիվ երեկութներից մեկի ժամանակ, գրում է Ivona bigmirnet-ը:
Ամեն ինչ սկսվել է նրանից, որ Նիկոլայ Բասկովը ցուցաբերել է անառողջ հետաքրքրություն Վերկա Սերդյուչկայի կրծքի նկատմամբ` չկարողանալով անցնել անտարբեր:
Վերկա Սերդյուչկան էլ իր հերթին սկսել է քննարկել Բասկովի սիրելի հիթը` «Շարմանկան»: Նա հայտարարել է, որ երգիչի նախկին բեկ-վոկալիստուհիներից մեկը ստիպված է եղել երկու տարի բուժվել հոգեբուժարանում այն բանից հետո, երբ ամեն օր մի քանի անգամ կատարել է Բասկովի երգը, հայտնում է ТСН-ը:
Վերկան ռուս գործընկերոջը նաեւ նվիրել է նոր երգ, որի տեքստը վերջնականապես վիրավորել է Բասկովին: «Ես պոռնիկ չեմ, ես ընդամենը սիրառատ եմ ու վստահող: Վաղվանից ալկոհոլ չկա, նիկոտին չկա, երեկոյան հավաքներին` ոչ, նայում եմ հայելուն. ես գեղեցիկ եմ, ինչպես Նիկոլայ Բասկովը», - երգել է Վերկա Սերդյուչկան:
