Սուդանի և Հարավային Սուդանի նախագահներ Օմար Բաշիրը և Սալվա Կիիրը պայմանավորվել են միջպետական հակասությունները լուծել խաղաղ ճանապարհով:
Ինչպես հաղորդում է «Ազատություն» ռադիոկայանը, պայմանավորվածությունը ձեռք է բերվել երկու առաջնորդների հուլիսի 15-ի գիշերը տեղի ունեցած հանդիպմանը Եթովպիայի մայրաքաղաք Ադիս Աբեբայում Աֆրիկյան միության գագաթնաժողովի շրջանակներում: Աֆրիկյան միության խորհրդի նիստում երկու Սուդանների ղեկավարները խոստացել են գործերը վարել ռազմավարական գործընկերության ոգով, գրում է Ukrinform.ua-ն:
Բանակցություններում Հարավային Սուդանի ներկայացուցիչը թղթակիցների հետ զրույցում ասել է, որ հանդիպումն անցել է բարեհաջող մթնոլորտում, երկու նախագահները եկել են համաձայնության և ցուցումներ են տվել բանակցողների իրենց խմբերին դրանց ընթացքը արագացնելու և կարևոր հարցերում համաձայնության գալու մասին:
Զուգահեռ Նորվեգիայի հատուկ պատվիրակը Սուդանում և Հարավային Սուդանում Էնդրե Սթյանսենը ողջունել է Աֆրիկյան միության ակտիվ մասնակցությունը Սուդանի և նրա հարավային հարևանի հաշտեցմանը:
«Մոտենում է ՄԱԿ-ի Անվտանգության խորհրդի վերջնաժամկետի վերջին ժամկետը: Ահա ինչու է այդպես կարևոր շարունակել ճնշումը Սուդանի և Հարավային Սուդանի վրա», - նշել է Սթյանսենը:
Հիշեցնենք, որ Հարավային Սուդանը և Սուրդանը անհամաձայնություն ունեն պետական սահմանի, Սուդանի տարածքով հարավային Սուդանի նավթի տարանցման և պետական պարտքի հարցերում: