Հուլիսի 15-ին, ժամը 13.10-ի սահմաններում Սեւանա լճում շրջանցային հերթապահություն իրականացրած ջրափրկարարը «Զեփյուռ» լողափից մոտ 800 մետր հեռավորության վրա նկատել է շրջված «Յամահա» մակնիշի ջրային մոտոցիկլ եւ երկու քաղաքացիների, հայտնում է ԱԻՆ լրատվական ծառայությունը:
Ջրափրկրարարների իրականացրած փրկարարական գործողությունների արդյունքում ջրից դուրս են բերվել Բյուրեղավան քաղաքի բնակիչներ` 1980թ. ծնված Գասպար եւ 1982թ. ծնված Սամսոն Վանոսյանները: Նրանց տեղում ցուցաբերվել է առաջին բուժօգնություն: