Մեքսիկայի արեւմտյան Նայարիթ նահանգում հուլիսի 19-ին խոշոր վթար է տեղի ունեցել, որի հետեւանքով մի քանի տասնյակ մարդ է զոհվել;
Ինչպես հաղորդում է BBC Russian-ը, Պուերտո Վալյարթի հանգստավայր մեկնող ավտոբուսի վարորդը չի կարողացել կառավարել մեքենան եւ խոր փոսնէ ընկել: Վթարից տուժածների շարքում կան երեխաներ, տուժածները տեղափոխվել են հիվանդանոց: Մի քանի մարդ գտնվում են ծանր վիճակում:
Ըստ վերջին տվյալների, որոնք բերում է «ՌԻԱ Նովոստին», վթարի հետեւանքով զոհվել է 26 մարդ, որոնց թվում` 3 երեխա, եւս 27-ը վիրավորվել են:
Իշխանությունները չեն բացառում, որ վթարի զոհերի թիվը կարող է աճել, քանի որ հիվանդանոց տեղափոխվածների մեծ մասը գտվում է ծանր վիճակում:
Ոստիկանությունը միանգամից մի քանի վարկած է դիտարկում, այդ թվում` վարորդի կողմից արագության գերազանցումը ճանապարհի վտանգավոր հատվածում:
