Իրանը մտադիր է ԱՄՆ-ի եւ եվրոպական պետությունների դեմ դատական հայց ներկայացնել Թեհրանի դեմ միակողմանի պատժամիջոցներ սահմանելու համար` առանց ՄԱԿ Անվտանգության խորհրդի թույլտվության, հողորդում է իրանական Press TV հեռուստաալիքը:
«Բողոքը կներկայացվի շուտով` միջազգային իրավունքի հիման վրա»,-ասել է ԻԻՀ նախագահին կից միջազգային –իրավական հարցերով կենտրոնի ղեկավար Մաջիդ Ջաֆարզադեն: Չի հաղորդվում, թե որ ատյանին կներկայացվի իրանական բողոքը:Ներկայումս Իրանի նկատմամբ պատժամիջոցներ սահմանող ՄԱԿ ԱԽ չորս բանաձեւ է գործում:
Բացի այդ, հուլիսի 1-ից ուժի մեջ է մտել ԵՄ որոշումը` իրանական նավթի արտահանման արգելքի վերաբերյալ, իսկ ԱՄՆ-ն մշտապես ընդլայնում է պատժամիջոցների ցուցակները, որոնց մեջ ներառվում են իրանական ընկերություններ եւ անհատ անձինք:
