NEWS.am-ի տեղեկություններով` Դրոյի փողոցի թիվ 15 շենքի մոտ օգոստոսի 9-ին ծեծի են ենթարկել երթուղային տաքսու վարորդի: ՀՀ ոստիկանության լրատվական ծառայությունից հաստատեցին տեղեկությունը եւ մանրամասնեցին, որ այդ օրը առավոտյան 08.40-ի սահմաններում անհայտ քաղաքացուց ոստիկանության Քանաքեռ Զեյթունի բաժին ահազանգ է ստացվել, ո ր Դրոյի փողոցի թիվ 15 շենքի մոտ ծեծում են երթուղային տաքսու վարորդի:
Մեկնած օպերատիվ խումբը Դրոյի եւ Պարույր Սեւակի փողոցների խաչմերուկից բերման է ենթարկել 27-ամյա Ամրամ եւ 26-ամյա Արգամ Հ-երին: Վերջիններս եղբայրներ են: Պարզվել է, որ Դրոյի փողոցի թիվ 15 շենքի մոտ Ամրամ եւ Արգամ Հ-երը ծեծի են ենթարկել երթուղային տաքսու վարորդին եւ պատճառել վնասվածքներ:
Նշանակվել է դատաբժշկական փորձաքննություն: Կատարվում է հետաքննություն:
