Լիբիայում սպանվել է բանակի գեներալ Մոհամեդ Հադիա ալ Ֆեյթուրին: Նա բռնակալ Մուամար Քադաֆիից ապստամբների կողմն անցած զինվորական առաջին ղեկավարներից է եղել:
Նոր իշխանության օրոք գեներալը գլխավորել է պաշտպանության նախարարության սպառազինման եւ զինամթերքի ծառայությունը, հայտնում է «Ազատություն» ռադիոն:
Գեներալն սպանվել է օգոստոսի 10-ին Բենգազիում, մզկիթից դուրս գալիս:
Լիբիայի արեւելքում վերջերս հաճախակի են դարձել հարձակումները եւ սպանություները: Նախորդ շաբաթ Բենգազիի ռազմական հետախուզության գրասենյակը հարձակման էր ենթարկվել, այնտեղ պայթյուն էր տեղի ունեցել: Զոհեր եւ տուժածներ չեն եղել:
