Սյունիքի մարզի Սիսիան, Կապան եւ Մեղրի քաղաքներում սեպտեմբերի 9-ին կայանալիք տեղական ինքնակառավարման մարմինների ընտրություններում առաջադրվել են քաղաքապետերի հինգ, չորս եւ երեք թեկնածուներ:
«Փաստինֆո»-ի փոխանցմամբ, Այսպիսով` Սիսիանում առաջադրվել է գործող քաղաքապետ, ԲՀԿ-ական Աղասի Հակոբջանյանը, ՀՅԴ անդամ Տիգրան Պողոսյանը եւ անկուսակցականներ Հրաչիկ Խաչատրյանը, Գեւորգ Բագյանը, Մհեր Ազոյանը:
Կապանում առաջադրվել է քաղաքապետի չորս թեկնածու` գործող քաղաքապետ, ՀՅԴ անդամ Արտուր Աթայանը, անկուսակցականներ Գագիկ Աթաջանյանը եւ Վարդան Բաբայանը, հանրապետական Աշոտ Հայրապետյանը:
Մեղրիում առաջադրվել է գործող քաղաքապետ, հանրապետական Սերգեյ Հայրապետյանը, անհատ ձեռնարկատեր, անկուսակցական Արշավիր Հովհաննիսյանը եւ ՀՀԿ անդամ Միշա Հովհաննիսյանը:
Քաջարանում, Ագարակում եւ Դաստակերտում առաջադրված են երկուական թեկնածուներ: Քաջարանում ՀՀԿ-ի կողմից առաջադրվել է գործող քաղաքապետ, հանրապետական Վարդան Գեւորգյանը, ինքնաառաջադրվել է անկուսակցական Ռաֆայել Լալայանը:
Ագարակում ՀՀԿ-ի կողմից առաջադրվել է գործող քաղաքապետ, հանրապետական Մխիթար Զաքարյանը, ինքնառաջադրվել է հանրապետական Սամվել Միքայելյանը:
Դաստակերտում ՀՀԿ-ի կողմից առաջադրվել է գործող քաղաքապետ, հանրապետական Նաիրի Փիլոսյանը, ինքնաառաջադրվել է անկուսակցական Սասուն Սարգսյանը:
Նշենք, որ սեպտեմբերի 9-ին Սյունիքի մարզի 109 համայնքներից 94-ում կայանալու են տեղական ինքնակառավարման մարմինների ընտրություններ:
