Ռուսաստանի Միտիշենյան շրջանի Պիրոգովյան գյուղում անցկացվող «Պիրոգովյան արեւածագ» երկրորդ միջազգային վոկալ մրցույթին Հայաստանը ներկայացնող ջազ երգչուհի Դիանա Դիկովսկին զբաղեցրել է երկրորդ տեղը: Այս մասին հայտնում է Ռուսաստանում լույս տեսնող հայկական «երկրամաս» թերթի տեղեկատվական կենտրոնը: Մեր հայրենակցուհին հանդես է եկել «Դլե Յաման» ժողովրդական երգով:
«Պիրոգովյան արեւածագ» երկրորդ միջազգային վոկալ մրցույթին մասնակցել են տարբեր երկրների 14 մասնակիցներ: Ժյուրիի նախագահն է եղել պոետ-կատարող , դրամատուրգ, սցենարիստ, Միխայիլ Շաբրոն:
Օգոստոսի 19-ին Մոսկվայում Իգոր Բուտմանի ջազ-ակումբում տեղի է ունեցել երգչուհու մենահամերգը:
