Այսօր՝ օգոստոսի 31-ին ավտովթար է տեղի ունեցել Լոռիի մարզում: Ինչպես հայտնում է NEWS.am-ի Լոռիի թղթակիցը, Վանաձոր-Ալավերդի ավտոճանապարհին՝ ճանապարհային ոստիկանության մոտակայքում, ժամը 07:00-ի սահմաններում կողաշրջվել է Վրաստանի հանրապետության Մեջինիսխվալի գյուղի բնակիչ, 52 ամյա Մամյան Ռեւազի Միկելաձեի MAN մակնիշի IZL-877 համարանիշով ավտոմեքենան: Վթարի հետեւանքով վարորդը ստացել է քերծվածքներ:
Դեպքի վայր են ժամանել ճանապարհային ոստիկանության 2-րդ սպայական գումարտակի աշխատակիցները:
Մինչ բեռնատարի դուրս բերելը ճանապարհի երթեւեկությունը կարգավորվում է ճանապարհային ոստիկանության աշխատակիցների կողմից: Դեպքի մասին տեղեկացվել է ՀՀ ԱԳՆ-ին:
Լուսանկարները՝ Էդվարդ Արզումանյանի