Մենք մանրակրկիտ կուսումնասիրենք «Օրինաց երկիր» կուսակցության պոտենցիալ անդամների նպատակներն ու ակնկալիքները: Այդ մասին այսօր` սեպտեմբերի 14-ին, լրագրողների հետ հանդիպման ընթացքում հայտարարել է ԱԺ ՕԵԿ-ական պատգամավոր Հովհաննես Մարգարյանը:
Նրանք, ովքեր ցանկանում են «Օրինաց երկիր» կուսակցության անդամ դառնալ, 2 ամիս փորձաշրջան կանցնեն` կուսակցության անդամների երաշխավորությամբ, որպեսզի այդ ընթացքում հասկանանք` ինչ նպատակով է տվյալ անձը ցանկանում մտնել կուսակցություն եւ ինչ ակնկալիքներ ունի:
Խորհրդարանական ընտրություններին «Օրինաց երկիրը» ընդամենը 83 - 84 հազար ձայն էր հավաքել, դա կուսակցության գրանցված 170 հազար անդամների միայն 50%-ն էր: Այդ պատճառով, կուսակցության անդամ դառնալ ցանկացողները 2 ամիս փորձաշրջան կանցնեն, որպեսզի հետո փաստի առաջ չկանգնենք», - ասել է Մարգարյանը եւ նշել, որ հաշվի կառնեն ոչ թե քանակը, այլ որակը:
