Ֆրանսիական լիցեյի ավագ դասարանցին, ով իսլամի հետեւորդ է եղել, ծեծել է ուսուցչին «կրոնական նկատառումներով»:
Միջադեպը տեղի է ունեցել սեպտեմբերի 11-ին Բորդո քաղաքի Տրեգեի լիցեյում, հայտնում է Sud Ouest-ը: Դասի ժամանակ ուսուցչի եւ 18-ամյա աշակերտի միջեւ ընդհարում է եղել իսլամի մեկնաբանման շուրջ: Երբ ուսուցիչը պնդել է իր իրավացիությունը, աշակերտը շրջել է սեղանը: Նրան կանչել են ուսմասվարի մոտ, եւ հայտնել, որ ծնող են կանչելու: Մահմեդականը կատաղել եւ շրջել է կահույքը, իսկ միջանցքում հարձակվել ուսուցչի վրա:
Աշակերտը հարվածել է նաեւ անվտանգության աշխատակցին, ինչից հետո նրան ձերբակալել են:
