Վրաստանում գրանցվել է «խոզի գրիպի» վիրուսով վարակվածության երեք նոր դեպք։ Ներկայումս վարակվածների քանակը հասնում է 1 247-ի։
Վրաստան Online-ի հաղորդմամբ, հիվանդների վիճակը կայուն է, եւ նրանք բուժում են ստանում տանը։
Միեւնույն ժամանակ հիվանդությունների վերահսկման ազգային կենտրոնից հայտնում են, որ երկրում գրանցվել է հիվանդացության նվազեցման դրական դինամիկա։ Սակայն մասնագետները հորդորում են բնակչությանը զգուշություն ցուցաբերել եւ ախտանշաններ հայտնաբերելու դեպքում անմիջապես դիմել բժշկի։
Հիշեցնենք, որ նախօրեին «խոզի գրիպից» մահացել է եւս մեկը, այդպիսով մահացածների քանակը հասցնելով 27-ի։ 18 ամյա աղջնակը հիվանդանոցում 3 օր բուժում է ստացել, սակայն նրան չի հաջողվել փրկել, քանի որ գրիպը ուղեկցվում էր խրոնիկ կաթվածով։