Հռոմի պապ Ֆրանցիսկոսը կընդունի Ուկրաինայի վարչապետ Արսենի Յացենյուկին: Հանդիպումը նշանակված է ապրիլի 26-ին՝ Հռոմի երկու պապերի՝ Հովհաննես Պողոս II-ի եւ Հովհաննես XXIII-ի սրբացման արարողության նախօրեին, հայտնում է Վատիկանի «Սիսմոգրաֆո» բլոգը:
Հիշեցնենք, որ Զատկի իր ավանդական ուղերձում Հռոմի պապը Ուկրաինայում ճգնաժամի կարգավորման կոչ էր արել:
«Միասին աղոթենք, որպեսզի բոլոր շահագրգիռ կողմերը միջազգային հանրության աջակցությամբ ձեռնարկեն բոլոր հնարավոր ջանքերը՝ բռնություն թույլ չտալու եւ երկխոսություն հաստատելու համար, հանուն այդ երկրի բարօրության», - ասել էր պապը:
