Բրունեյում մի քանի օրով հետաձգել են քրեական հանցագործությունների համար շարիաով սահմանված խիստ օրենքների ուժի մեջ մտնելը:
Իշխանությունները հայտարարել են, որ նոր օրենսդրությունը ուժի մեջ կմտնի շուտով: Ենթադրում են, որ հետաձգումը կապ ունի Բրունեյի սուլթան Հասանալ Բոլկիահի արտասահման այցի հետ, որն էլ հենց նորամուծության նախաձեռնողն է, հայտնում է BBC-ի ռուսական ծառայությունը:
Պատիժներից են. քարկոծումը՝ ամուսնական դավաճանության համար, անդամահատումը՝ գողության, եւ մտրակով ծեծը՝ ալկոհոլ օգտագործելու համար:
ՄԱԿ-ն արդեն մտահոգություն է հայտնել Բրունեյում շարիաթի քրեական դատարաններն օրինականացնելու առթիվ:
Սուլթան Հասանալ Բոլկիահն իր հերթին կարծում է, որ այդպիսով ինքն իր երկիրը ապահովում է արտաքին բացասական ազդեցություններից: