Հայաստանում էլեկտրաէներգիայի թանկացումը չպետք է ազդի հանրապետությունում ձվի գնի վրա: Այս մասին NEWS.am-ի թղթակցի հետ զրույցում նշեցին Հայաստանի մի շարք թռչնաֆաբրիկաների ներկայացուցիչներ՝ անանունության պայմանով:
Նրանց խոսքով, էլեկտրաէներգիայի բաժինը թխսկանների դեպքում կազմում է շուրջ 2% (ներառյալ՝ վարչական շենքերում հոսանքի ծախսը): «Բրոյլերների դեպքում ավելի շատ է ծախսվում. նրանց մոտ շուրջօրյա լուսավորություն է: Այս դեպքում էլ էլեկտրաէներգիայի բաժինը շուրջ 2% է»,- նշեց թռչնաբույծներից մեկը:
Ձվի գների 50-60 դրամի դեպքում թանկացումը կարող է կազմել 1-1.2 դրամից ոչ ավելի (այսինքն՝ 2 դրամից ոչ ավելի):
Հիշեցնենք, որ օգոստոսի 1-ից Հայաստանում էլեկտրաէներգիան թանկանալու է 10%-ով՝ տնային բաժանորդների, եւ 15%-ով՝ միջին եւ բարձր լարման բաժանորդների համար:
