18 մարդու կյանք խլած Պոդոլսկի ավտովթարի մեջ մեղադրվող Հայաստանի քաղաքացի Հրաչյա Հարությունյանը այսօր Մոսկվայի Տրոիցկի դատարանում հանդես կգա վերջին խոսքով:
Ինչպես հաղորդում է «Էխո Մոսկվին», նրա ելույթից հետո դատարանը կհեռանա խորհրդակությունների սենյակ՝ դատավճռի կայացման համար: Դատարանի վճիռը հայտնի կդառնա արդեն այսօր՝ օգոստոսի 4-ին:
Հայաստանի քաղաքացին կալանավորված է 2013թ. հուլիսից: Հարությունյանը իր մեղքն ընդունել է:
Հիշեցնենք, որ ավտովթարը տեղի էր ունեցել 2013 թվականի հուլիսի 13-ին` Պոդոլսկի մոտակայքում: Հարությունյանի վարած «ԿամԱԶ»-ը բախվել էր ուղեւորափոխադրող ավտոբուսի, ինչի հետեւանքով մահացել էր 18 մարդ, վիրավորվել 60-ից ավելի մարդ:
