Ազգային ժողովի փոխնախագահ, ՀՀԿ խմբակցության պատգամավոր Հերմինե Նաղդալյանն արդեն դուրս է գրվել հիվանդանոցից: NEWS.am-ի հետ զրույցում ԱԺ փոխնախագահը նշեց, որ իրեն լավ է զգում:
Նրա խոսքով՝ ինքը հիվանդանոցում պառկել է մրսածության պատճառով, առողջական ոչ մի լուրդ խնդիր չունի:
Անդրադառնալով վերջին շրջանում սահմանի լարվածության սրացմանն ու պաշտոնյաների եւ նախարարների՝ առաջնային գիծ մեկնելուն՝ ՀՀԿ-ական պատգամավորը նշեց, որ հիվանդության պատճառով ցավոք չի կարողացել մեկնել. «Բայց այսօր Արմավիր ենք գնացել կանանց խորհրդի անդամներով՝ այցելելու մեր զոհված զինծառայողների ընտանիքներին, զրուցելու նրանց մայրերի հետ, գոտեպնդելու եւ աջակցելու: Ոչ մի ընտանիք ուշադրության կենտրոնից դուրս չի մնալու: Ամեն կերպ աջակցելու ենք նրանց»:
Նշենք, որ Հերմինե Նաղդալյանը հիվանդանոց էր տեղափոխվել օգոստոսի 9-ին: