ԱԻՄ առաջնորդ Պարույր Հայրիկյանը մտադիր է հացադուլը շարունակել այնքան, մինչեւ ՀՀ նախագահ Սերժ Սարգսյանը հրաժարական տա: Այս մասին օգոստոսի 19-ի մամուլի ասուլիսում հայտարարել է ինքը՝ Հայրիկյանը:
Ըստ նրա՝ իր կողմնակիցներից շատերը դեմ են նման քայլին՝ կարծելով, որ հացադուլն այսօր կորցրել է նախկին նշանակությունը, սակայն ընդդիմադիրը վստահ է, որ Հայաստանի ղեկավարությունը չի կարող անտարբեր մնալ նման նախաձեռնության հանդեպ:
Հետաքրքիր է, որ Հայրիկյանը, նախապես վաստահ լինելով իշխանությունների զգայուն արձագանքին, այնուամենայնիվ, հայտնել է, որ նախագահին հասցեագրված իր նամակն այդպես էլ անպատասխան է մնացել: «Սերժ Սարգսյանը պետք է պատասխանի իմ նամակին: Ըստ օրենքի՝ դա իր պարտականությունն է», - նշել է Հայրիկյանը, հավելելով, որ ամենայն հավանականությամբ, հացադուլը կսկսի սեպտեմբերի 8-ին՝ նախագահի նստավայրի մոտ:
Հիշեցնենք, որ «Ազգային ինքնորոշում» միավորման նախագահ Պարույր Հայրիկյանն օգոստոսի 14-ին ՀՀ նախագահ Սերժ Սարգսյանին հրաժարականի պահանջով նամակ էր հանձնել:
