Ռուսաստանի նախագահ Վլադիմիր Պուտինն օգոստոսի 19-ին Բելառուսի նախագահ Ալեքսանդր Լուկաշենկոյի հետ հեռախոսազրույցում քննարկել է օգոստոսի 26-ին նախանշված Մաքսային միության պետությունների ղեկավարների հանդիպումը Ուկրաինայի նախագահ Պյոտր Պորոշենկոյի հետ։ Այս մասին տեղեկացնում է Կրելմի մամուլի ծառայությունը։

Ալեքսանդր Լուկաշենկոյի խնդրանքով Վլադիմիր Պուտինը տեղեկացրել է Ուկրաինայի հարավ-արեւելքի բնակիչներին մարդասիրական շարասյուն ուղարկելու շուրջ իրավիճակի, այդ թվում՝ այդ նախաձեռնության իրականացման հետ կապված դժվարությունների մասին։

Ավելի վաղ NEWS.am-ը տեղեկացրել էր, որ Ռուսաստանի նախագահ Վլադիմիր Պուտինն օգոստոսի 26-ին Մինսկում Մաքսային միության երկրների (Բելառուս եւ Ղազախստան) ղեկավարների հետ հանդիպելու է Ուկրաինայի նախագահ Պյոտր Պորոշենկոյին։ Հանդիպմանը մասնակցելու են նաեւ Եվրահանձնաժողովի ներկայացուցիչները։