Բուլղարիայի մայրաքաղաքում անցկացվող ծանրամարտի աշխարհի երիտասարդական առաջնությունում Հայաստանի հավաքականը ներկայացված է երկու մարզիկներով:
Հունիսի 16-ին 69 կգ քաշային կարգում հանդես եկող Զորիկ Պողոսյանը երկամարտում հավաքել է 301 կգ, արդյունքում Հայաստանը ներկայացնող Պողոսյանը գրավել է 4-րդ տեղը:
Այս քաշային կարգում հաղթող դարձավ ռումինացի Մարտին Ռազվանը: Երկամարտում նա ցույց տվեց 340 կգ արդյունք:
Աշխարհի առաջնության վերջին օրը, հունիսի 20-ին +105 կգ` գերծանր քաշային կարգում Հայաստանը կներկայացնի Ռուբեն Ալեքսանյանը:
