Թուրքիայի նոր արտգործնախարար Մեվլյութ Չավուշօղլուն Թուրքիայի՝ ԵՄ-ին ինտեգրացման ակտիվ կողմնակից է, ինչպես նաեւ Թուրքիայի նախագահ Ռեջեփ Թայիփ Էրդողանի թիմում է: Այս մասին հոդվածը պատրաստել է «France-Presse» գործակալությունը:
«Չավուշօղլուն ճգնաժամային պահի է պաշտոնի անցնում. նրան մեծ աշխատանք է սպասվում, քանի որ Թուրքիան Մերձավոր Արեւելքում արտաքին քաղաքական բազմաթիվ խնդիրներ ունի հարեւան երկրներում՝ Սիրիայում եւ Իրաքում ծավալվող կոնֆլիկտների ֆոնի վրա: Որոշ վերլուծաբաններ կարծում են, որ նրա նրան նախորդած Ահմեդ Դավութօղլուն, ով այժմ վարչապետ է, գերագնահատել է իր ուժերը հավակնոտ արտաքին քաղաքականությունում, որն ուղղված է Թուրքիան իսլամական տերություն հռչակելուն: Մնում է տեսնել, արդյոք Չավուշօղլուն ավելի համեստ նպատակներ կհետապնդի, թեեւ նշանակումից հետո իր առաջին մեկնաբանություններում նա առանձնացրել է ԵՄ անդամակցությունը որպես առաջնահերթություն եւ չի հիշել Մերձավոր Արեւելքի մասին»,- նշվում է հոդվածում:
«Դավութօղլուն, ով 2009թ.-ին դարձել էր արտգործնախարար, հակասական գործիչ է. ոմանք նրան մեղադրում են հավակնոտ արտաքին քաղաքականություն վարելու մեջ, որը հանգեցրել է Սիրիայում իսլամիստ գրոհայինների վերականգմանը: Հենց Մերձավոր Արեւելքում, այլ ոչ թե Եվրոպայում Չավուշօղլուն կբախվի առավել արդիական հարցերի: Մեկ այլ հիմնական հարց կլինի լարվածության մեղմումը հարեւան Հայաստանի հետ, որի հետ դիվանագիտական հարաբերություններ չունի, սակայն արտգործնախարար էդվարդ Նալբանդյանը մասնակցել է Էրդողանի երդման արարողությանը»,- նշում է « France-Presse» գործակալությունը:
