Ճապոնիան սեփական Բեթմենն ունի: Առօրյայում նա 41-ամյա եռակցող է` Ճապոնիայի Տիբա քաղաքից: Սակայն նրա անունը քողարկված է գաղտնիքով: Պարբերաբար նա Բեթմենի հագուստ է հագնում եւ շրջում քաղաքի փողոցներով` եռանիվ Բեթփոդով:
Ինքն իրեն անվանում է Տիբեթմեն, իսկ իր փոխադրամիջոցը` Տիբեթփոդ, փոխանցում է NTDV.ru-ն:
Չնայած հայտնի կոմիքսների հերոսի հետ ունեցած նմանությանը, ճապոնացի Բեթմենի նպատակը հանցավորության դեմ պայքարը չէ: Ըստ նրա` իր գլխավոր խնդիրը մարդկանց ժպիտ պատճառելն է:
Տիբեթմենն իր եռանիվ մոտոցիկլետն անձամբ է պատրաստել: Դրա համար ծախսել է 6 հազար դոլար: Տիբեթմենը քաղաքում եւ Ճապոնիայում մեծ հռչակ է ձեռք բերել այն բանից հետո, երբ մայրուղով իր շրջագայության տեսագրությունը հայտնվել է YouTube-ում: