Եվրասիական տնտեսական միությունում պետք է բոլորը հասկանան, որ Հայաստանը առանձնահատուկ հարաբերություններ ունի իր կողմից դե ֆակտո ճանաչված Լեռնային Ղարաբաղի Հանրապետության հետ: Այս մասին սեպտեմբերի 2-ի մամուլի ասուլիսում հայտարարել է «Ընդդեմ իրավական կամայականության» ՀԿ-ի նախագահ Լարիսա Ալավերդյանը:

Ըստ նրա`  ԵՏՄ-ին անդամակցության դեպքում Հայաստանը պետք է հստակ հայտարարի, որ ԼՂՀ-ի հետ իր հարաբերությունները եւ տնտեսական կապերը չպետք է խոչընդոտների հանդիպեն: «ԵՏՄ-ին Հայաստանի անդամակցության գործընթացում ոչինչ չպետք է վնասի Հայաստանի եւ ԼՂՀ-ի միջեւ եղած հարաբերություններին», - ընդգծել է Լարիսա Ալավերդյանը: