![](img/news/22/68/28/default.jpg)
«Նաիրիտի» գործարանը լիովին կարելի է միացնել իրանական գազային բարտերին: Այսօր՝ սեպտեբերի 2-ին, լրագրողներին իր կարծիքը հայտնեց Հայաստանի հայրենական ապրանք արտադրողների միության նախագահ Վազգեն Սաֆարյանը: Նրա խոսքով՝ «Նաիրիտը» եւ Երեւանի ՋԷԿ-ը, որն այսօր գազի դիմաց էլեկտրականություն է արտահանում Իրան, կարելի է միավորել Երեւանի Հարավային արդյունաբերական հանգույցին: «Նաիրիտը» իր կաուչուկի մի մասը կարող է փոխանակել գազով, իսկ մնացածը վաճառել՝ տոննայի դիմաց 6 հազար դոլարով:
Սաֆարյանը նշեց, որ արտադրության վերականգնման դեպքում, «Նաիրիտը» տարեկան 100-120 մլն խմ գազ կօգտագործի, այն դեպքում, երբ Երեւանի ՋԷԿ-ն արդեն օգտագործվում է 480-ը: Իսկ սա նշանակում է, որ նշված սխեմայի ընդլայնումը ոչ այդքան մասշտաբային է եւ լիովին իրատեսական:
Հիշեցնենք, որ «Նաիրիտ գործարան» ՓԲԸ-ն 2010թ. ապրիլից դադարեցրել է արտադրությունը: 2013թ. հաղորդվել էր ռուսական «Ռոսնեֆթի» կողմից գործարանում ներդրումներ կատարելու ծրագրերի մասին: