Քննարկման ընթացքում պատգամավորները իրենց հետաքրքրքղ հարցերի շուրջ մանրամասն տեղեկություններ ստացան: Այդ մասին այսօր՝ սեպտեմբերի 2-ին Ազգային ժողովում երկրի արտաքին քաղաքականության հարցերի շուրջ փակ քննարկումից հետո լրագրողներին հայտարարեց անկուսակցական պատգամավոր Էդմոն Մարուքյանը:
Նրա խոսքով՝ որոշ հարցեր պատգամավորները չեն հասցրել առաջադրել, մասնավորապես՝ նա նույնպես չի հասցրել բարձրաձայնել իր հարցը:
Ի պատասխան հարցին՝ հարթվե՞լ են, արդյոք, Եվրասիական տնտեսական միությանը Հայաստանի անդամակցության ճանապարհին առկա բոլոր խոչընդոտները եւ հոկտեմբերի 10-ին Հայաստանը կմիանա՞, արդյոք, ԵՏՄ-ին՝ պատգամավորը հաղորդեց, որ այդ հարցը չի քննարկվել: