Սփյուռքի նախարար Հրանուշ Հակոբյանն իր գործընկերներին հրավիրել է «Հայրենիք-Սփյուռք» համաժողովին: Թվով 5-րդ համաժողովը կմեկնարկի սեպտեմբերի 19-ին՝ «Կոնգրես» հյուրանոցում: «Կառավարության անդամներին հրավիրում եմ մասնակցել համաժողովին: Այն մեզ համար շատ կարեւոր է», - հայտարարեց Հակոբյանը՝ կառավարության այսօրվա՝ սեպտեմբերի 18-ի նիստին:
Նա նշեց, որ համաժողովին զուգահեռ նախատեսվում է նաեւ հայկական ծագմամբ ամերիկացի նկարիչ Դանիել Վարուժան Հեճինյանի ցուցահանդեսը՝ Ազգային պատկերասրահում: Ցուցահանդեսի նախաձեռնությունը սփյուռքի նախարարությանն է:
