ԵԱՀԿ-ի գործող նախագահ Դիդիե Բուրկհալտերը ողջունում է համընդհանուր հրադադարի մասին պայմանագրի իրացումն ապահովող 9 կետերից բաղկացած Մինսկի հուշագրի ստորագրումը: Այդ մասին ասվում է կազմակերպության կայքի մամուլի հաղորդագրությունում:

Բուրկհալտերի խոսքով՝ «Մինսկի հուշագիրը Արեւելյան Ուկրաինայում երկարաժամկետ հրադադարի եւ հակամարտության  խաղաղ կարգավորման ձեռքբերման ճանապարհին կարեւոր քայլ է»:

ԵԱՀԿ-ի նախագահը նաեւ ակնկալում է, որ հուշագիրը կթեթեւացնի ռազմական գործողությունների գոտիների բնակչության տառապանքները, եւ հակամարտ բոլոր կողմերին կոչ է արել օգնել իրավիճակի հանդարտեցմանը:

Հիշեցնենք, որ նախօրեին Մինսկում կոնտակտային խմբի մասնակիցները համաձայնության են եկել Ուկրաինայում հրադադարի եւ 30 կմ-անոց անվտանգության գոտու հաստատման շուրջ: