Կանադայի Կալգարի քաղաքում նոր համաշխարհային ռեկորդ է սահմանվել՝ մեկ վայրում հավաքված սուպերհերոսների թվաքականով: Սեպտեմբերի 18-ին այդ քաղաքի կենտրոնում հանդիպել են Nexen էներգետիկ ընկերության 542 աշխատակիցներ, որոնք բոլորը եղել են Բեթմենի հագուստով:

Միայն Գինեսի ռեկորդների գրքում հայտնվելը չէ, որ հավաքել էր նրանց այնտեղ: Նրանք նաեւ ցանկացել են ուշադրություն հրավիրել United Way («Ճանապարհ միասին») հիմնադրամի նախագծերի վրա, որոնց Nexen ընկերությունն աջակցում է:

Նշենք, որ 2013-ին 867 բրիտանացիներ երաժշտական փառատոներից մեկին ներկայացել էին Սուպերմենի հագուստով: