![](img/news/23/00/94/default.jpg)
Վոլոդյա Ավետիսյանի մարտական ընկերներն այսօր` սեպտեմբերի 21-ին, պաստառներով եւ դրոշներով հավաքվել էին Հանրապետության հրապարակում` Անկախության տոնը յուրովի տոնելու եւ իրենց բողոքի ձայնը բարձրացնելու համար:
Հիշեցնենք, որ Վոլոդյա Ավետիսյանը մեղադրվում էր խարդախության համար եւ դատապարտվել է 6 տարի 6 ամիս բանտարկության։ Ըստ նրան առաջադրված մեղադրանքի՝ նա 2000 դոլար կաշառք է վերցրել Հենրիկ Զաքարյանից՝ նրա թոռանը ժամկետային ծառայությունից ազատելու համար, եւ 500 դոլար է պահանջել Ալբերտ Մաթոսյանից նրա որդուն զորամասում համակարգչային օպերատոր նշանակելու հարցը լուծելու համար։
Վոլոդյա Ավետիսյանը հերքում է մեղադրանքը։ Նա եւ իր մարտական ընկերները կարծում են, որ սա քաղաքական հետապնդում է պահեստազորի գնդապետի դեմ՝ իրենց սոցիալական պայմանները բարելավելու նպատակով ազատամարտիկների բողոքի շարժումը ղեկավարելու համար: