Ռուսաստանի տնտեսական զարգացման նախարարությունը առաջարկում է չեղարկել մայրական կապիտալը եւ տարեկան 300 մլրդ դոլար տնտեսել, հաղորդում է Lenta.ru պարբերականը:
Ալեքսեյ Ուլյուկաեւի գերատեսչությունում նշում են, որ մայրական կապիտալը չի նպաստում ծնլիության աճին, այլ միայն «առաջ է տանում ծնունդների օրացույցը». ընտանիքները պարզապես որոշում են երեխա ունենալ ավելի վաղ, քան պլանավորել էին:
Աղբյուրի փոխանցմամբ՝ տնտեսական զարգացման նախարարությունը կողմ է ոչ թե ծախսերի կրճատմանը, այլ դրանց առավել արդյունավետ վերաբաշխմանը:
Մայրական կապիտալի ծրագիրն գործում է արդեն 6 տարի: Ծրագրի գործողության ժամկետը լրանում է 2016թ.-ին: Ծրագիրը թույլ է տալիս մեկից ավելի երեխա ծնած կամ որդեգրած մայրերին որոշակի գումարի սերտիֆիկատ ստանալ: 2014թ.-ին մայրական կապիտալի չափը կազմում է 429 հազար ռուբլի: Կապիտալը կարելի է օգտագործել երեխայի կրթության համար վճարելու, աշխատանքային թոշակի կուտակային մասի ձեւավորման եւ հիպոթեկային վարկեր մարելու համար: