Հայաստանը պետք է կարկատի հարկային օրենսդրությունում մնացած ճեղքերը, NEWS.am-ի թղթակցի հետ զրույցում հայտարարել է ԱՄՀ-ի հայաստանյան առաքելության ղեկավար Մարկ Հորթոնը:
Խոսելով երկրի 3015թ. բյուջեի նախագծի մասին, որը շուտով կներկայացվի խորհրդարանի քննարկմանը, Հորթոնը նկատել է, որ եկամուտների զգալի աճ չի սպասվում: «Սակայն մենք ակնկալում ենք, որ կառավարությունը կխստացնի հարկային եւ մաքսային վարչարարությունը: Իսկ հարկային որոշ բացերի վերացումը շատ կարեւոր կլինի ապագայի համար՝ սկսած 2016թ.-ից», - հավելել է նա:
2015թ. բյուջեի նախագծերում նաեւ մի քանի սահմանափակումներ եւ հարկային նպատակային արտոնություններ են նախատեսված: Սակայն բիզնեսի համար ոչ պակաս կարեւոր կլինի հարկային կանխավճարների պրակտիկայի կրճատումը: «Մյուս կողմից, սա նշանակում է, որ հարկերի գանձումը պետք է ավելանա, որպեսզի բյուջեի կանխիկ գումարը նույնը մնա», - նշել է Հորթոնը:
Այնուամենայնիվ, ֆինանսական կարճաժամկետ կարիքները կբավարարվեն նաեւ 2013թ. հոկտեմբերին թողարկված եվրոպական պարտատոմսերից մնացած միջոցներով, հավելել է նա:
